sábado, 14 de febrero de 2015

I XORNADA VOLUNTARIADO AMBIENTAL

I XORNADA VOLUNTARIADO AMBIENTAL


          A Jalleira organiza a 1ª Xornada de Voluntariado Ambiental para a repoboación das beiras do río da Cal con especies autóctonas. Consideramos que é o noso deber que unha das paisaxes máis fermosas da nosa contorna volva a ser o que foi, ou incluso mellor.

Pecha os ollos e pensa un intre no futuro:

           Imaxina un espazo cuberto de árbores convivindo outra vez con todos eses seres vivos que nel habitan, percorrido pola auga que nace os seus pes …agora respira fondo e abre os ollos…  verdade que sería fermoso sentilo!

          Pois , cun pouquiño de esforzo e traballo podese lograr ese soño.

          A Comunidade de Montes de Sta. Mariña fai o empréstamo da ferramenta necesaria, a planta poñémola nós, os da Jalleira. Isto será repartido xa na zona de traballo, os voluntarios en ningún momento terán que cargar con nada que non sexa unha mochila persoal onde cada ún levará o que considere oportuno.

          A Jalleira tamén lle ofrece a tódolos voluntarios un bocadillo, unha botella de auga, unha peza de froita e, sobre todo, moi boa compaña e risas.

¿Cómo Chegar?




En caso de choiva quedará anulado ata o vindeiro fin de semana, o domingo 1 de Marzo.


A Jalleira, por é para o monte.

viernes, 6 de febrero de 2015

Visita guiada pola Ruta Máxica de Oia

Visita guiada pola Ruta Máxica de Oia

















           O pasado día 16 de Agosto do 2014, levouse a cabo unha visita guiada pola ruta Máxica de Oia.

          A organización correu por conta de ACAMO e ANABAM, colaborando Rockart Conservation e por suposto nós, A JALLEIRA.
          Partimos as 9:30 da mañá, as primeiras paradas tiveron lugar nos Petroglifos da Pedreira, baseados en liñas e cazoletas, e Outeiro do  Morouzo, onde tamén se atopan distintos petroglifos, destacando a Pedra do cazador, cun gravado antropomorfos e zoomorfo onde se representan, para uns, escenas de monta, e para outros de caza.

          Seguimos pola pista forestal, ata chegar  as Sobreiras do Faro, catalogado como Espazo Privado de Interese Natural, onde membros da JALLEIRA explicaron os valores naturais, históricos e socioeconómicos deste pequeno verxel que se atopa no canon do río Boi.
          Seguimos andando  á  vez que gozando  das marabillosas vistas da costa de Oia, onde se poden contemplar as súas paisaxes, parroquias, e outros elementos como as illas Orelludas, facendo as correspondentes paradas nos miradores naturais que nos ofrece toda  ruta.
         Antes de xantar, foi de obriga a visita as Pozas de Mougás, onde  o río Peito  se atreve a pasar entre as súas prominentes cascadas.
          A iso das 14:00h, paramos a xantar nun parque preto das Pozas, onde carballos e castiñeiros nos protexían do sol abafador daquel  día.

          Xa co bucho cheo, retomamos a andaina no seu último tramo ata chegar  o” xacemento da Cabeciña”, descuberto recentemente , que posúe un recinto fortificado e ademais  diversos  petroglifos.

          Grazas a Anabam e Acamo por nos convidar a participar na Ruta Máxica de oia, e tamén agradecer a Roberto Moreno pola reportaxe fotográfica.

A Jalleira, por é para o monte.