sábado, 30 de abril de 2016

II XORNADAS FORESTAIS BAIXO MIÑO



Gracias a tod@s os asistentes, poñentes, medios de comunicación e colaboradores por axudarnos a realizar as 2 Xornadas Forestais...Só desexarlles ¡Saúde e Monte! 

Máis Fotos nesta ligazón: Fotos II Xornadas 2016



II XORNADAS FORESTAIS BAIXO MIÑO



-APERTURA DE XORNADAS

Presentación das xornadas a cargo da presidenta da Asociación A Jalleira, Nuria Castro.

-EXPERIENCIA: C.M.V.M.C. O ROSAL “25 ANOS DE XESTIÓN FORESTAL”

No ano 1991 varios membros de actual directiva involúcranse na súa comunidade. Tras moito traballo e experiencias, fan da Comunidade de  montes do Rosal un referente da xestión comunal e da defensa do patrimonio natural.

Issac González González
Presidente da C.M.V.M.C. O Rosal.


-CONFERENCIA: “USOS E ABUSOS DO MONTE”

            A controversia do uso público á palestra. Nos últimos anos, a raíz do crecente uso social e lúdico do monte, xurdiron novos conflictos e polémicas que repercuten na xestión dos montes. Diferentes propostas e  alternativas a debate.

            Xosé Carlos Morgade Martínez
            Secretario Mancomunidade de Montes de Pontevedra



-EXPERIENCIA: “O BOSQUE DE RIDIMOAS”
A orixe da asociación xurde nos anos setenta coa necesidade de concienciar do valor da natureza por parte do seu actual Presidente Pablo Oitabén. A finais dos oitenta fúndase Ridimoas, Asociación co fin de estudar e defender o bosque autóctono na comarca do Ribeiro. Despois de tres décadas custodian 500 hectáreas de bosque e  acadan máis de 1000 socios.

            David Rodríguez
            Vicepresidente da Asociación Cultural e Ecolóxica Ridimoas.


-MESA REDONDA e CLAUSURA DA XORNADA.


            Debate e intercambio de ideas e cuestións entre os ponentes e o público.

sábado, 16 de abril de 2016

APROBACIÓN DAS CINCO MOCIÓN NO BAIXO MIÑO EN APOIO Ó SERVICIO PÚBLICO DE INCENDIOS

Cinco mocións no Baixo Miño en apoio o Servicio Público de Incendios

Durante o primeiro trimestre do ano a Asociación A Jalleira promoveu na comarca do Baixo Miño un moción en apoio o Servizo Publico de Defensas Contra Incendios Forestais, a raíz da iniciativa impulsada pola asociación de profesionais do SPDCIF (APROPIGA). Esta moción xa foi aprobada noutros concellos de Galicia e na Deputación de Pontevedra.

O SPDCIF foi sempre un modelo de referencia en toda España, tanto pola súa efectividade como polo seu carácter de servizo cen por cen público ó servizo da cidadanía na protección do medio natural de Galicia. Fronte a esta realidade, atopámonos na actualidade cun modelo de prevención e extinción e incendios fragmentado a través dun complexo entramado de organismos, empresas e institucións, que está prexudicando gravemente a eficiencia do que sempre foi un servizo público de contrastada eficacia.

O desmantelamento paulatino do SPDCIF, a privatización e esternalización de servicios, precarización das condicións de traballo, a falla de estabilidade laboral e a non consideración como un corpo de emerxencias, son mostras de desprezo destes profesionais.

Esta moción foi aprobada por unanimidade nos concellos de A Guarda, Oia e O Rosal, aprobada en Tomiño cos votos a favor do BNG e PSG-PSOE coas abstencións de PP e CdT, e no concello Tui foi aprobada cos votos de PSG-PSOE, APTUI, C21,BNG e SON, coas abstencións de CsT e PP.

As reivindicacións desta moción foron:

- Recoñecemento da categoría profesional de Bombeiro Forestal.
- Defensa do SPDCIF como servicio único de prevención e extinción de incendios.
- Convocatoria dunha oferta pública de emprego e cobertura de vacantes.
- Estabilidade laboral e profesional.

Con esta iniciativa levada a cabo nos concellos da comarca, A Jalleira quere amosar así, o apoio os compañeiros que desempeñan unha labor tan pouco valorada social e institucionalmente, vital para os nosos montes, o medio ambiente e a sociedade.


Por último dar as grazas as persoas que entenden e valoran o esforzo e o traballo destes profesionais.